«Лена» суһал бөлөх ЫБММ Хабаровскайдааҕы авиационнай-быыһыыр киин бөртөлүөтүнэн Өлүөхүмэ улууһун Кыыллааҕар уонна 1-кы Нөөрүктээйитигэр нэһилиэнньэлээх пууннар баһылыктарын сайаапкаларынан гуманитарнай көмөнү тириэртэ. Бу туһунан ЫБММ Саха сиринээҕи салаата иһитиннэрдэ.
Уопсайа 600 киилэ таһаҕас, ол иһигэр ас-үөл, иһэр уу, электрогенератордар (РИП) уонна да атын наадалаах мал-сал.
Маны таһынан 1-кы Нөөрүктээйиттэн оҕолору уонна доруобуйаларынан хааччахтаах дьону Өлүөхүмэ куоракка илтилэр.
Билиҥҥи туругунан сэлиэнньэлэргэ уу таһыма кутталлаах таһымтан үрдүк турар. Чугастааҕы сууккаҕа уу таһыма 1-кы Нөөрүктээйигэ, 2-с Нөөрүктээйигэ, Кыыллаахха сыыйа намтаан барыаҕа.