Дойду генеральнай борокуратуурата ахсынньы саҥата социальнай суолталаах ас-үөл сыаната биллэрдик үрдээбитин туһунан иһитиннэрбитэ уонна тута бэрэбиэркэни саҕалаабыта. Дойду бэрэсидьиэнэ Владимир Путин бырабыыталыстыбаҕа ас сыаната оруна суох үрдүүрүн тохтоторго соруйбута. Россия бырабыыталыстыбата бу күннэргэ туһааннаах дьаһаллары ылар. Киин Россияҕа социальнай суолталаах ас сыаната түспүтэ бэлиэтэнэр.
Биһиги ыраах сытар, тиэйэн аҕаларга элбэх ороскуоттаах региоммутугар бородуукта сыаната төһө үрдэтиллибитий? Саха сиригэр сыананы хонтуруоллааһын хайдах барарый? Саҥа дьыл иннинэ өрө тахсар сыананы оннунан тутар кыаллыа дуо? Үүнэр сылга биһигини туох күүтэрий?