Бүгүн, ыам ыйын 30 күнүгэр, Дьокуускайга +29 кыраадыска тиийэ сылыйыаҕа диэн Саха сиринээҕи ГМС иһитиннэрэр.
Киин куоракка күнүс +27…+29° кыраадыс буолара күүтүллэр. Сөҥүүтэ суох, сөкүүндэҕэ 3-8 миэтэрэ түргэннээх соҕуруулуу-арҕааттан тыаллаах.
Халыма улуустарыгар кыра сөҥүүлээх, соҕуруулуу-арҕаа улуустарга этиҥнээх ардах түһэрэ күүтүллэр. Өрөспүүбүлүкэ атын улуустарыгар сөҥүүтэ суох күн туруоҕа.
Халымаҕа, Арктика кытылынан сөкүүндэҕэ 9-14 миэтэрэ тыаллаах.
Хотугулуу-илин улуустарга күнүс +24+29°, хоту улуустарга +18+23°, Халымаҕа +7+12° буолуоҕа.