Бүгүн, ыам ыйын 22 күнүгэр, Саха сирин биллэр экэнэмииһэ уонна судаарыстыбаннай деятелэ Зоя Корнилова үбүлүөйдээх 85 сааһын бэлиэтиир.
Кини Өлүөхүмэ улууһун Кыыллааҕар 1939 сыллаахха ыам ыйын 22 күнүгэр күн сирин көрбүтэ. 1966 сыллаахха Новосибирскайдааҕы сэбиэскэй кээпэрэтиип атыытын-эргиэнин институтун бүтэрбитэ. Ол курдук, Зоя Афанасьевна аата Саха сирин историятыгар үйэлэргэ киирбитэ. Кини дьахталлар ортолоруттан бастакынан өрөспүүбүлүкэҕэ экэниэмикэ билимин хандьыдаата буолбута.
Дьокуускайга Хотугу айылҕа хостонор баайын комплекснай баһылааһынын институтун салаатын сэбиэдиссэйинэн үлэлии сылдьыбыта. РФ Федеральнай Мунньаҕын Федерациятын Сэбиэтин Аппаратын консультана. 1990 сыллаахха РСФСР Үрдүкү Сэбиэтин норуодунай дьокутаатынан талыллыбыта. 1996-1999 сыллардаахха РФ Федеральнай Мунньах Судаарыстыбаннай Дууматын дьокутаата, ону тэҥэ I, II, III ыҥырыылаах Ил Түмэн дьокутаата. Саха сирин уонна Өлүөхүмэ улууһун Бочуоттаах олохтооҕо.
Уһун сыллардаах үлэтин түмүгүнэн, Зоя Афанасьевна Корнилова өрөспүүбүлүкэ дьонун-сэргэтин интэриэһин туруорсубута, көмүскэспитэ, федеральнай сокуоннарга элбэх көҕүлээһиннэри, уларыйыылары киллэрэргэ элбэх сыратын уурбута, улахан кылаатын киллэрбитэ.
Эһигинэн Сахабыт сирэ киэн туттар! Кытаанах доруобуйаны, уһун олоҕу, дьолу-соргуну!
Хаартыска: Өлүөхүмэ улууһун дьаһалтатын телеграм ханаала.