Бүлүүгэ икки муоста тутуллуоҕа — Эдэрсаас – сахалыы сонуннар – новости на якутском языке

Бүлүү улууһугар Бүлүү өрүс уҥуор сытар нэһилиэктэртэн ордук Күүлэккэ (Үгүлээт, I Күүлэт,  II Күүлэт уонна Тылгыны)  саас, сайын, күһүн  алларанан сырыы адьас быстар.  

Улуус салалтата  суолу оҥорууга болҕомтону уурар. Быйыл өрөмүөҥҥэ элбэх үбү көрдө. Суол алдьанар кэмигэр уустуктары үөскэтэр Дьабыдьах уонна Дьыыппа үрэхтэригэр муосталары тутуу саҕаланыаҕа. Бу күннэргэ улуус салалтата Дьабыдьах үрэҕэр муостаны тутууга аукционы биллэрбитигэр, “Спецстроймонтаж” тэрилтэ кыайан, матырыйаалы тиэйэн саҕалаата.

Бүлүү улууһун баһылыгын бырамыысыланнаска уонна инфраструктураҕа солбуйааччы Никифов Саввинов: “Дьабыдьах үрэххэ 7 м уһуннаах муоста тутуллуоҕа уонна иккки өттүгэр киириилэргэ суол оҥоһуллуоҕа. Ол  уопсай уһуна 500 м. Ону тэҥэ, Дьыыппа үрэҕи туоратар муостаны тутууга аукцион буола турар. Бу күннэргэ билиннэҕинэ, эмиэ тустаах үлэ саҕаламмытынан барыаҕа. Онон быйыл Күүлэт нэһилиэктэрин суолугар икки таас муоста тутуллан үлэҕэ киириэҕэ”, — диэн быһааран биэрдэ.