Үөрүүлээх быһыыга-майгыга колледж дириэктэрэ Василий Гуляев, улуус баһылыга Степан Саргыдаев, Чурапчытааҕы Ис Дьыала отделын начаалынньыга Иннокентий Свинобоев уонна Чурапчы нэһилиэгин баһылыгын солбуйааччыта Уйгулан Туласынов эҕэрдэ тылларын эттилэр, аалай кыһыл лиэнтэни быстылар.
Автооскуола сылга 150 курсаны бэлэмниэҕэ. “А” категорияҕа 60-ну, уоннааҕыта механика уонна автомат массыыналарга. Матассыыкылга 16 сааһын туолбут оҕо үөрэниэн сөп, оттон “В” категорияҕа 18-тарын туолбуттар. Үөрэх кэлэр нэдиэлэттэн саҕаланыаҕа. Сыаната Дьокуускай сыанатыттан удамыр.
Бу күннэргэ өрөспүүбүлүкэтээҕи ГАИ көҥүлэ кэллэҕинэ, быраапка тутан саҕалыахтара.
Санатан эттэххэ, автооскуола олоххо киириитигэр улуус дьаһалтата, колледж уонна Ис Дьыала отдела икки сыл устата элбэх үлэни ыыттылар. Түбүктээх үлэ – түмүктээх!
Источник: https://t.me/MunicipalformationChurapcha/6870