Ыам ыйын 30 күнүнээҕи туругунан Дьокуускай-Аллараа бэстээх хайысханан 9 автотырааныспары уонна «АЯМ» ХЭУо 3 таһаҕас таһар паромнара үлэлээтилэр.
Бүгүҥҥүттэн маршрутка 13 паром үлэҕэ тахсара былааннанар. Араспысаанньанан хас чаас ахсын паромнар сарсыарда 05.30 чаастан түүн 00.00 чааска диэри сылдьаллар.
Санаттахха, СӨ Сыана бэлиитикэтигэр судаарыстыбаннай кэмитиэтэ уонна Тырааныспар министиэристибэтэ Дьокуускай-Аллараа Бэстээх хайысханан автотырааныспары таһар паромнар бэрэстэбиитэллэрин кытта пассажирдары таһыы тарыыбын тула кэпсэтии түмүгэр улахан дьоҥҥо билиэт сыаната 300 солк., оҕолорго 10 саастарыгар диэри 150 солк. буолара быһаарыллыбыта.