Ахсынньы 12 күнүгэр, Конституция күнүнэн, телебашня Россия былааҕын өҥнөрүнэн сандаарыаҕа. Бу туһунан Уһук Илиҥҥи РТРС салаатын пресс-сулууспата иһитиннэрэр.
«Ахсынньы 12 күнүгэр 19:00-тан 20:00 чааска диэри РТРС архитектурнай-художественнай уотун холбуоҕа», — диэн иһитиннэриигэ этиллэр.
Ону тэҥэ, бырааһынньыктааҕы уоту-күөһү Аллараа Новгород, Воронеж, Казань, Красноярскай, Челябинскай, Екатеринбург, Самара, Грознай, Калуга уонна да атын куораттарга сандаардыахтара.
Останкино башнятын медиа-истиэнэтигэр Россия былааҕа көстүөҕэ, оттон халлаан хараҥарыыта бырааһынньыктааҕы архитектурнай-художественнай сырдатыы холбонуоҕа.
Россия Конституциятын норуот куоластааһынынан 1993 сыллаахха ылыммыттара. Сыл ааспытын кэннэ ахсынньы 12 күнүн судаарыстыбаннай бырааһынньыгынан биллэрбиттэрэ.