Бүгүн, алтынньы 28 күнүгэр, саха радиотын күнүн көрсө, киин куоракка СӨ сибээһин үтүөлээх үлэһитэ, Россия сибээһин маастара Александр Борисов аатынан сквер аһылынна.
Сквергэ перфорация ньыматынан биллиилээх сибээс үлэһитин мэтириэтин ойуулаатылар. Чугаһаатахха мэтириэт бастакы ЭВМ перфокартатыгар майгынныыр арт-эбийиэккэ кубулуйар. Сыыйа аныгы технологиянан бэчээттэммит хаартыска паннота буолар, бу Александр Борисов кыттыбыт сайдыылаах санааларын уонна быһаарыыларын туоһута буолар.
Пааматынньык Сибээс колледжын таһыгар турар, устудьуоннарга сибээс эйгэтэ сайдыытыгар саҥаны киллэрии уонна Саха сиригэр цифровой технологиялар сайдыыларыгар олук ууруу холобура буолар.