Дьокуускайга «Печатный двор Якутии» быыстапка-дьарбаҥка аһыллыаҕа — НВК Саха

Өрөспүүбүлүкэ киин куоратыгар «Кружало» атыы-эргиэн эрээттэригэр атырдьах ыйын 26-27 күннэригэр икки сыллаах тохтобул кэнниттэн 11-с регионнар икки ардыларынааҕы «Печатный двор Якутии» быыстапка-дьарбаҥка ыытыллыаҕа.

Быйылгы тэрээһин Саха АССР төрүттэммитэ 100 сылыгар анаммыт, Москваттан уонна Казахстантан ыалдьыттар кэлэллэрэ күүтүллэр.

Ол курдук, Москва бырабыыталыстыбатыттан кэлэр Россия таһаарааччыларын кыттыахтара: олохтоох бириэмэнэн 14.00 чааска биллиилээх киинэ режиссер Сергей Соловьев кинигэлэрин сүрэхтэниитэ буолуоҕа: «Те, с которыми я… Олег Янковский» уонна «Те, с которыми я…Алексей Баталов». Ону таһынан, Улуу Аҕа дойду сэриитигэр анаммыт кинигэлэр сүрэхтэниитэ буолуоҕа: Марии Жданова «Великая Отечественная война в прозе и кино» уонна Александр Шклярук «Плакаты Великой Отечественной войны 1941-1945» таһаарыылара.