Учуутал күнүгэр анаммыт «Үөрэх, кэлэр кэскилгэ аһаҕас» мультимедийнай быыстапка алтынньы 4 күнүгэр «Россия – мин историям» историческай пааркаҕа арылынна.
Быыстапка регион саҥа үөрэх бырайыагын сүрүн систиэмэтин хайысхатын сайыннарар — диэтэ өрөспүүбүлүкэ бырабыытылыстыбатын бэрэсэдээтэлэ Сергей Местников.
Көрдөрүүгэ туруоруу сэттэ сүрүн хайысхаҕа арахсар: «Инфраструктура сайдыыта», «Идэлээх үөрэх», «Үөрэх хаачыстыбатын салайыы», «Оҕолору уонна ыччаты сайыннарыы», «Доруобай көлүөнэ», «Патриотическай иитии» уонна «Наука- үөрэх салаатыгар».
Маны тэҥэ тьюторскай, кылаас чаастар уонна интерактиванай идэҕэ туһаайар тэрээһиннэр ыытыллаллар. Сылдьааччы идэтин билиэн баҕардаҕына, диагностика ааһыан сөп.
Быыстапка алтынньы 6 күнүгэр диэри үлэлиэ. Маны тэҥэ өрөспүүбүлүкэ учууталларын уонна педагогическай уопсастыба XIV съеһин күнүгэр пааркаҕа бэдэрээльнэй быыстапка — «Россия историятыгар учуутал оруола»; өрөспүүбүлүкэтээҕи быыстапка Саха АССР 100 сылыгар анаммыт «Путь Эллэя» уонна «Саха сирин аныгы историята» көрдөрүүгэ туруоруллуо.