Бүгүн, алтынньы 24 күнүгэр, Дьокуускайга «Саха» НКИХ «Күн кыыһа Күннэй» киинэтин пресс-көрдөрүүтэ ааста.
Режиссер — Елена Эверстова, сценарийын Сардана Сивцева – Даана Сард суруйда. Бу киинэ «Мин таптыыр спутнигым» сериал салгыыта буолар, ол эрээри сериалы көрбөтөх да киһи ис хоһоонун тута өйдүүр. MediaHill көрдөрүүтүнэн, «Мин таптыыр спутнигым» сериалы өрөспүүбүлүкэ 80%-н олохтооҕо көрбүт.
«Быйыл „Саха“ НКИХ сериал сулууспата тэриллибитэ биэс сыла буолар. Биһиги хас сылын аайы таһаарар сериалларбыт ахсааннарын элбэтэн иһэбит. Быйылгы сезоҥҥа биһиги алта сериалы устан бэлэмнээтибит. Мин санаабар „Мин таптыыр спутнигым“ сериал бастакы сезона олус кэрэхсэбиллээхтик уонна бэрт дьиктитик түмүктэннэ. Ол курдук, биһиги сериал сулууспата тэриллиэҕиттэн биир сериалы улахан оҥорон киинэ тыйаатырыгар көрдөрөр киһи диэн баҕа санааларбыт туолар күнэ бүгүн үүннэ», — диэн генеральнай дириэктэрэ НВК «Саха» Олег Марков.
«Күн кыыһа Күннэй» — Алтынньы 27 күнүттэн Саха сирин бары киинэ тыйаатырдарыгар көрүҥ.
Сериалы көтүппүт буоллаххытына бу ссылканан киирэн көрүҥ.