Быйыл «Тотальнай дьыктааны» очнай көрүҥүнэн суруйбут сэттэ киһи туйгун сыананы ылла. Бу туһунан «Тотальнай дьыктаан» аахсыйа тэрийээччилэрэ кэпсээтилэр.
«Быйыл Дьокуускайга биэс киһи туйгуннук суруйда. Маны таһынан, алта тас дойду устудьуона TruD анал тест түмүгүнэн туйгун сыананы ылла», — диэн координатор Ирина Жигадло.
Өрөспүүбүлүкэ үрдүнэн уопсайа 3 450 киһиттэн, онлайн суруйбуттары аахтахха, 34 киһи туйгун сыананы ылбыт.
Дьыктааны биир да сыыһата суох, эбэтэр сурук бэлиэтигэр биир сыыһалаах киһи туйгун сыананы ылар. Түмүгү totaldict.ru сайтка көрүөххэ сөп.
Наҕараадалааһын муус устар 27 күнүгэр 14:00 чааска ХИФУ Үөрэтэр-чинчийэр куорпуһун бастакы этээһигэр Белинскэй аатынан уулусса 58-с №-дээх дьиэтин учуонай сэбиэтин саалатыгар буолуо.