Атырдьах ыйын 11 күнүгэр өрөспүүбүлүкэ киин куоратыгар «Ykt Geek Fest-2022» бэстибээл буолуоҕа. Бу туһунан СӨ ыччат дьыалатыгар уонна социальнай коммуникацияҕа министиэристибэтин пресс-сулууспата иһитиннэрэр.
«Туймаада» стадиоҥҥа ыытыллар тэрээһиҥҥэ айар быыстапкалар, дьаарбаҥкалар, куонкурустар, костюмированнай шоулар, лиэксиэйэлэр, маастар-кылаастар, презентациялар ыытыллыахтара. Бэстибээлгэ «Феникс» анимация студиятын үлэһиттэрэ ыалдьыттыахтара.
Быйылгы бэстибээлгэ косплей, уруһуй, кылгас кэмнээх киинэ, стендэ куонкурустара буолуохтара. Кыайыылаахха сүрүн бириис – 50 тыһ. солк.
Тэрээһин туһунан сиһилии сигэнэн киирэн билсиҥ.