1941 сыллаахха бэс ыйын 22 күнүгэр Фашистскай Германия Сэбиэскэй Сойууска уоран саба түһүүтүн утары Аҕа Дойду уоттаах сэриитэ саҕаламмыта. Аҕа дойду сэриитигэр сүүрбэттэн тахса саха буойуннара өстөөҕү кытары хабыр хапсыһыыга холобур буолар хорсун быһыыны оҥорон Сэбиэскэй Сойуус Дьоруойун үрдүк аатын сүкпүттэрэ. Саха норуотуттан бу албан ааты бастакынан Днепр өрүс уҥа биэрэгин босхолооһуҥҥа эр санаа холобурун көрдөрбүт Федор Кузьмич Поповка иҥэрбиттэрэ.
