Эбэҥки худуоһунньугун үлэлэрин табаны иитиигэ норуоттар икки ардыларынааҕы чемпионакка көрдөрдүлэр

Нерюнгри оройуонугар ыытыллыбыт чемпионат чэрчитинэн эбэҥки худуоһунньуга Николай Марфусалов быыстапката тэрилиннэ.

Табаһыт-худуоһунньук үлэлэригэр эбэҥки көс норуот олоҕо-дьаһаҕа, Саха сирин соҕуруу өттүн дьикти-кэрэ айылҕата, таба кыыл ойууланар.

Быыстапкаҕа худуоһунньук үлэлэлэрэ виртуальнай түмэлгэ тахсан дьон кэрэхсэбилин ылла.

Түмэли Нерюнгри 1-кы №-дээх гимназиятын үөрэнээччитэ Денис Егоров худуоһунньук 18 хартыынатын тиһэн, көмпүүтэргэ саҥалыы чочуйан анал айар-инновационнай бырайыак быһыытынан көрдөрдө. Ону тэҥэ эбэҥки тылын, фольклорун дириҥэтэн үөрэтэр К.И. Макарова хартыыналары эбэҥкилии саҥардыбыт.

Чемпионат кыттыылаахтара быыстапканы сэргээн көрдүлэр, худуоһунньук үлэлэрин нөҥүө хотугу норуот күннээҕи олоҕун кытары билистилэр.