Горнай улууһун олохтооҕо киһини сөхтөрөр оҥоһуктары оҥорор — НВК Саха

Маҕарас нэһилиэгин олохтооҕо Юрий Никифоров дэгиттэр талааннаах мас ууһа. Кини оҥоһуктара барыта хатыламмат оһуордаах-бичиктээх дьикти көстүүлээхтэр. Юрий бэйэтэ мастырыскыай тэринэн үлэлээбитэ ырааппыт.

Үксүн бэс маһынан туттар. Оҥорбут миэбэллэрэ бөҕө-таҕа, уһун үйэлээхтэр. 20 сыллааҕыта сакааска оҥорбут олоппоосторо билигин да эргэрбэккэ, хаадьаҥнаабакка сылдьаллар эбит. Үксүн илиибинэн кыһан, кичэллэн, ууран-тутан уһанарбын ордоробун.

Станоктан тахсыбыт оҥоһугу киһи сэҥээрбэт, хайдах эрэ дууһата суох буолан тахсар диэн кэпсиир уран тарбахтаах уус Юрий Никифоров.