ХИФУ ЮНЕСКО норуоттар икки ардыларынааҕы кафедратын үлэһиттэрэ дьүкээгир омук тылын уонна култууратын үөрэтиигэ дааннайдары бэлиэтээтилэр. Бу туһунан үрдүк үөрэх кыһатын пресс-сулууспата иһитиннэрэр.
«Бу дааннай сүрүн уратыта, тыллара сүтэр кутталлаах дьүкээгир омук туһунан толору иһитиннэрии хомулунна. Тыа дьүкээгирдэрин — бу омук тылын илдьэ сылдьааччылары устан кэпсэтинньик уонна да атын үөрэтэр матырыйааллары оҥордулар, итиэннэ олохторун-дьаһахтарын, үгэстэрин, таҥастарын-саптарын уонна да атын туһунан иһитиннэриини буллулар », — диэтэ ЮНЕСКО кафедратын сүрүннүүр программиһа Светлана Жожикова.
Кини бэлиэтээбитинэн, тыа дьүкээгирдэрин тыллара уонна култууралара толору сыыппараҕа көспүт, бу дааннайы үөрэтиигэ туһаныахха сөп. Иһитиннэрии нуучча уонна английскай тылынан, оттон кэпсэтинньик уонна учебник — дьүкээгирдии.