Хотугулуу-Илиҥҥи федеральнай унивеситет бастакы кууруһун устудьуона Фаридум Алексеев тэрилтэлэргэ үлэ көрдөнөргө уустуктардааҕын иһин Телеграм ханаалга «ESBOSS» чат-бот оҥорбут.
«Ыччаты кытта үлэ» салаатын устудьуона Фаридум Алексеев кэпсээбитинэн, тустаах чат-бот туһааннаах ыйытыктарга эппиэттиир.
«Онно икки кыбытык сыһыарыы баар: бастакытыгар уһун болдьохтоох үлэ, иккиһигэр кылгас кэмҥэ үлэлэр баар буолаллар», — диэн Фаридум Алексеев эттэ.
Кини этэринэн, клиеннар үлэ биэрээччи ирдэбилин кытта тута билсиэхтэрин сөп. Ол кэннэ резюметын ыытар.
Эдэр ыччат үлэ буларыгар уустуктардаах диэн ИЯКН доцена Марк Егоров этэр.
«Ыччат өр кэмҥэ үлэтэ суох сылдьара куһаҕан. Саха сирин нэһилиэнньэтигэр 15-29 сааһыгар диэри үлэтэ суох киһи элбэх», — диэн Марк Егоров эттэ.
Тустаах бырайыак «Социальнай технологиялар уонна менеджмент» хайысхатыгар норуот икки ардыларынааҕы устудьуоннар, аспираннар уонна «Ломоносов-23» эдэр учуонайдар конференцияларыгар кыайбыт.