Саха сирин айти эйгэтин исписэлиистэрин көмөтүнэн Хотугу аҕыйах ахсааннаах норуоттар оҥоһуктарын билиһиннэрэр, киэҥ эйгэҕэ атыыга таһаарар сыаллаах цифрофой платформа баар буолуо.
«Бу цифровой платформаҕа аан дойду дьоно бары киирэн Хотугу аҕыйах ахсааннаах норуоттар илиинэн оҥоһуктарын көрүөхтэрин, итиэннэ атыылаһыахтарын, сакаас оҥоруохтарын сөп буолуо», — диэн Уһук Илин уонна Арктика сайдыытын миниистирэ Алексей Чекунков ТАСС суруналыыстарыгар иһитиннэрбит.
Кини этэринэн, бырайыак олоххо киирэригэр Арктика сайдыытын судаарыстыбаннай бырагырааматын иитинэн үбүлээһин көрүллүө.
Билиҥҥи туругунан Россия Арктическай балаһатыгар, Сибииргэ уонна Уһук Илин 300 тыһыынчаттан тахса ахсааннаах 47 аҕыйах ахсааннаах норуоттар бэрэстэбиитэллэрэ олороллор.