Бүгүн, бэс ыйын 3 күнүгэр, Ил Дархан Айсен Николаев М.К.Аммосов аатынан Хотугулуу-Илиҥҥи федеральнай университет ректорын Анатолий Николаевы кытта көрүстэ.
«Биһиги «Азия оҕолоро» спортивнай оонньууларга университет эбийиэктэрэ бэлэмнэрин туһунан кэпсэттибит. Университет эбийиэктэрэ оонньуулар ыалдьыттара олорор, аһыыр сирдэринэн, итиэннэ дьарыктанар уонна күрэхтэһии ыытыллар былаһааккаларынан буолуохтара. Анатолий Николаев үлэ болдьоҕор баран иһэрин, бэлэмнэнии үрдүк таһымнааҕын иһитиннэрдэ. Үлэ хаамыытын хонтуруоллуурга соруйдум», — диэн Ил Дархан Айсен Николаев телеграм-ханаалыгар суруйар.