Ил Дархан Айсен Николаев «Россия 24» ханаалга быһа эпииргэ тахсан, өрөспүүбүлүкэҕэ халаан туругун туһунан Нам улууһугар үлэлии сылдьан кэпсээтэ. «Манна бэҕэһээ уу мин тобукпун сабар таһымҥа турар этэ», — диэтэ эрэгийиэн баһылыга.
Кини көрөөччүлэргэ ыксаллаах быһыы-майгы сиригэр туох үлэ ыытылларын, билиҥҥи балаһыанньа хайдаҕын кэпсээтэ. Ил Дархан эрэгийиэннээҕи ЫБММ салалтатын кытта Өлүөнэ өрүс үрдүнэн көтөн, нэһилиэнньэлээх пууннар балаһыанньаларын уонна туох куттал өссө суоһуон сөбүн көрдүлэр-иһиттилэр. Өрөспүүбүлүкэ салалтатын сүрүн киинигэр — олохтоохторго куттал суоһаабат буолуута. Айсен Сергеевич халаан уутуттан эмсэҕэлээбит дьон тугу көрдөһөрүн иһиттэ. Манна докумуоннары чөлүгэр түһэриитттэн саҕалаан үөрэнээччилэр оскуоланы бүтэрэр эксээмэннэригэр тиийэ ыйытыыларга хоруйдаата. Суолталааҕа диэн, туох баар киирбит ыйытыылар тута миэстэтигэр быһаарыллан истилэр.