Казахстаҥҥа Саха сирин күннэрин «Ньургун Боотур» операнан түмүктээтилэр. Алматы куоракка баар Абай аатынан Казахстан национальнай академическай опера уонна балет тыйаатырын сыанатыгар турбут опера көрөөччү биһирэбилин ылбыт.
«Бүгүн опера премьерэтин көрдүм, олус сөбүлээтим. Биһиги норуоппут үгэһэ биир. Былырыын бастакытын Ыһыахха ыалдьыттаабытым. Онно национальнай таҥаһы, саха оһуорун, куолай ырыатын майгынната көрбүтүм», — диэтэ Абылай Керимов.
Санатан эттэххэ, Казахстаҥҥа Саха сирин күннэрэ 2023 сыллаахха Ил Дархан Айсен Николаев уонна Казахстан Өрөспүүбүлүкэтин бэрэсидьиэнэ Касым-Жомарт Токаевы кытта көрсүһүүлэригэр сөбүлэҥнэрин түмүгүнэн ыытыллыбыт.
