Эпидемиологическай балаһыанньанан култуура тэрилтэлэрэ олунньу 28 күнүгэр диэри онлайн көрүҥүнэн үлэлиэхтэрэ. Бу туһунан СӨ култуура министиэристибэтин пресс-сулууспата иһитиннэрэр.
СӨ култуура уонна духуобунай сайдыы миниистирэ Юрий Куприянов бэлиэтээбитинэн, хааччахтааһын уһаабытынан онлайн-тэрээһиннэр былааннара оҥоһуллар.
«Манна култуура тэрилтэлэрэ, ол иһигэр цирк, филармония, түмэллэр киирэллэр. Испэктээктэри, кэнсиэртэри көһөрбүттэрин үрдүнэн олунньу 1 күнүттэн онлайн үлэлээн саҕалыахтара», — диэтэ Юрий Куприянов.
Онлайн-тэрээһиннэр тустарынан сиһилии култуура тэрилтэлэрин официальнай сайтарыгар көрүөххэ сөп. Национальнай библиотекаҕа эрдэттэн суруттарыахха, итиэннэ онлайн көрүҥүнэн эмиэ ааҕааччыларын күүтэр.