Кыайыы күнүгэр аналлаах тэрээһиннэр «Россия — мин историям» пааркаҕа буолуохтара

Кыайыы күнүгэр аналлаах тэрээһиннэр Дьокуускайга ыам ыйын 6 күнүгэр «Россия — мин историям» пааркаҕа буолуохтара, киириитэ босхо.

Тэрийээччилэр этэллэринэн, тэрээһин икки сиринэн буолуоҕа — паарка иһигэр уонна уулуссаҕа. Ол курдук, түмэлгэ тематическай быыстапкалар үлэлиэхтэрэ уонна Аҕа дойду сэриитин туһунан киинэлэри көрдөрүөхтэрэ.

Паарка таһыгар «полевой куукуна» тэриллиэҕэ, ону тэҥэ, байыаннай-театрализованнай дьүһүйүүнү уонна «Кыайыы суолларынан» ретро-массыыналар быыстапкаларын көрүөххэ сөп.

Тэрээһиннэр сарсыарда 11.00 ч. саҕалаан күн устата буолуохтара.