Мэҥэ Хаҥалас улууһун «Кэрэли» оҕону эбии үөрэхтээһин Киин тэрээһининэн Р.Г. Васильев аатынан улуустааҕы кыраайы үөрэтэр түмэлгэ Россияҕа Дьиэ-кэргэн, Саха Өрөспүүбүлүкэтигэр Оҕо саас сылларыгар анаан «Туой эйгэтэ айар үлэ түмүллүүтэ» диэн педагогтар айар быыстапкалара турда.
Быыстапка ааптардарынан туой маастардара Татьяна Яковлева, Саргылана Шестакова, куукула маастара Мария Ефимова уонна «Оҕо маастар» диэн анал ааты сүкпүт Александра Уваровская салайааччылаах «Ситии» куруһуок иитиллээччитэ, И.Г.Тимофеев аатынан Майа лиссиэйин 11 кылааһын үөрэнээччитэ Сардаана Семенова кылтан-сиэлтэн оҥоһуктарын туруордулар.
Дьон-сэргэ тоҕуоруһа мустан быыстапка аһыллыыта олус истиҥник барда. Уһуйааччылары эҕэрдэлээн туран «Педагог-маастар» анал ааттары иҥэрдилэр. Тэрээһин чэрчитинэн уһуйааччылар маастар-кылаастары ыыттылар. Быыстапка нэдиэлэ турара былааннанар.
Тэрээһин Россияҕа Дьиэ кэргэн уонна Саха сиригэр Оҕо саас сылларын чэрчитинэн ыытылынна.
