Муус устар 7 күнүгэр бастыҥ ааҕааччылары биллэриэхтэрэ — НВК Саха

Муус устар 7 күнүгэр ДТК-ҕа «Тыыннаах классика» дойдутааҕы ааҕааччылар күрэстэрэ региональнай таһыма буолуоҕа.

Куонкуруска 10-17 саастаах оҕолор кытталлар, онно сөбүлүүр айымньыларын сыанаҕа ааҕан иһитиннэриэхтэрэ. Үс кыайыылаах өрөспүүбүлүкэ аатыттан дойдутааҕы таһымҥа күрэстэһиэҕэ, ол ыам ыйыгар «Артек» норуот икки ардыларынааҕы оҕо киинигэр ыытыллар.

«Артекка» сүрүннүүр педагогтар актерскай маастарыстыбаҕа уонна сөпкө саҥарыыга дьарыктары ыытыахтара, оҕо литературатын уонна медиа уобаластар исписэлиистэрэ дьарыктыахтара, ону тэҥэ, психологтар уонна суруналыыстар үлэлэһиэхтэрэ.

Дойдутааҕы күрэскэ 255 оҕоттон 15-и финалга таһаарыахтара. Кинилэр биллэр-көстөр дьүүллүүр сүбэ иннитигэр ааҕыахтара.

«Тыыннаах классика» күрэс бэрэсидьиэн гранын өйөбүлүнэн ыытыллар.