Muus Ustar бэстибээл чэрчитинэн эдэр блогердарга аналлаах куонкурус кулун тутар 25 күнүгэр түмүктэниэҕэ.
Манна бастыҥ «VK-блогеры» уонна «Telegram-блогеры» быһаарыахтара. Кыттааччылар саастара 14-тэн 35-гэр диэри, биир бөлөххө уонна биир эрэ көрүҥҥэ кытталлара көҥүллэнэр.
Кыттааччыларга анаан кулун тутар 25 күнүгэр «Блогеры в условиях новой реальности. Перезагрузка» тиэмэҕэ бэстибээл хэдлайнердара Елены Саморукова, Фросик Фрося уонна Карен Адамян маастар-кылаастара буолуоҕа.
Санатан эттэххэ, MUUS uSTAR бэстибээл кулун тутар 25-26 күннэригэр бары эпидемиологическай ирдэбиллэри тутуһан ыытыллыаҕа. Тэрээһин бары былаһааккаларын социальнай ситимнэргэ уонна телевидениеҕэ онлайн көрүөххэ сөп буолуо. Сиһилии бэстибээл туһунан иһитиннэриини muusustar.ru сайтка киирэн билсиэххэ сөп.