Эдэр суруналыыстарга, блогердарга аналлаах «Медиатон» куонкурус кулун тутар 22-25 күннэригэр «MuusuSTAR» өрөспүүбүлүкэтээҕи бэстибээл чэрчитинэн ыытыллыаҕа. Бу туһунан СӨ көрдөрөр-иһитиннэрэр ааҕыныстыбатын сүрүн эрэдээктэрэ Андрей Никифоров иһитиннэрэр.
«Быйыл куонкурус кулун тутар 22-25 күннэригэр ыытыллыаҕа. Үс күн иһигэр хамаандалар толору видео-контент оҥорон таһаарыахтара. Кыттааччылары икки бөлөххө наардаатыбыт: 14-18 уонна 19-35 саастаахтар. Бөлөхтөргө биирдии хамаанда бастыҥ ааты ылыаҕа уонна 75-тии тыһыынчанан наҕараадаланыаҕа», — диэтэ кини.
«Медиатон» куонкуруска үс киһилээх суруналыыстар хамаандалара кыттар. Блогердар бэстибээл былаһааккаларыгар ыытыллар үлэни сырдатан видеоролик оҥорон таһаарыахтара.