Муус устар 5-6 күннэригэр Нам сэлиэнньэтигэр М.К. Аммосов аатынан Култуура уонна духуобунай сайдыы дыбарыаһыгар Россияҕа Дьиэ кэргэн, Саха сиригэр Оҕо саас сылларыгар анаммыт «Тыйаатыр эйгэтэ» II-c улуустааҕы бэстибээл ыытылынна.
Күрэскэ 23 оскуола уонна биир эбии үөрэхтээһин тэрилтэтэ кыттыыны ыллылар.
Кыайыылаахтар сыаналаах бириистэринэн, харчынан наҕараадаламмыттар.
Алын сүһүөххэ Хатыҥ Арыы орто оскуолата гран-при үрдүк аатын сүктэ, Хатырык орто оскуолата бастаата, Никольскай уонна Хамаҕатта орто оскуолалара иккистээтилэр, Маймаҕа оскуола уһуйаана уонна Хамаҕатта саха-французскай лиссиэйэ үһүстээтилэр.
Орто сүһүөххэ Хатырык орто оскуолата гран-при буолла. 2-с Хомустаах орто оскуолата бастакы миэстэ буолла, оттон улуустааҕы гимназия — иккис миэстэ, 1-кы Хомустаах орто оскуолата — үһүс миэстэ.
Үрдүкү сүһүөххэ Бартыһаан орто оскуолата гран-при үрдүк аатыгар тигистэ. Бастакы миэстэ — Түбэ орто оскуолата, иккис миэстэ — Нам 1 №-дээх орто оскуолата, үһүс миэстэ — 1-кы Хомустаах орто оскуолата.
Ону тэҥэ «Лучшая женская роль», «Лучшая мужская роль», «Лучшее костюмное представление», «Лучшая комедийная постановка», «Театральная надежда», «Лучший актер второго плана», «Лучшая режиссерская задумка», «Оригинальная постановка», «Лучший сценический образ», «Лучший кукольный театр», «За сохранение национальных традиций» курдук анал ааттарга кыайыылаахтары быһаардылар, диплом туттардылар.