СӨ Бырабыыталыстыбатын бэрэссэдээтэлин солбуйааччы Сергей Местников наука уонна тиэхиньикэ эйгэтигэр Саха Өрөспүүбүлүкэтин Судаарыстыбаннай бириэмийэтин аныырга аналлаах хамыыһыйа мунньаҕын тэрийдэ. Бу туһунан Саха сирин баһылыгын уонна бырабыыталыстыбатын пресс-сулууспата иһитиннэрэр.
Саха сирин Ил Дархана Айсен Николаев ыйааҕынан, быйыл Гавриил Иосифович Чиряев аатынан Судаарыстыбаннай бириэмийэни наука уонна тиэхиньикэ эйгэтигэр туттараллар, оттон Владимир Петрович Ларионов аатынан Судаарыстыбаннай бириэмийэни эдэр учуонайдарга уонна исписэлиистэргэ биэрэллэр.
Уопсайа түөрт үлэ киирбит. Г.В. Чиряев аатынан бириэмийэҕэ үс үлэ, В.П. Ларионов аатынан бириэмийэҕэ – биир үлэ. Үлэлэри М.К. Аммосов аатынан ХИФУ уонна ФИЦ ЯНЦ СО РАН научнай институттар учуонайдара бэлэмнээтилэр.
Мунньах кыттыылаахтара хас биирдии үлэни көрдүлэр. Дьүүллэһии кэнниттэн 2021 сыллааҕы бириэмийэ кыттыылаахтарын испииһэгэ бигэргэннэ. Салгыы научнай үлэлэр экспертизаҕа ыытыллыахтара.