Саха сирин олохтоохторун, норуоттар доҕордоһууларын күнүгэр аналлаах «Единство в нас!» хаартыска куонкуруһугар кыттарга ыҥыраллар. Бу туһунан СӨ тас сибээс министиэристибэтин пресс-сулууспата иһитиннэрэр.
Алтынньы 12 күнүттэн талар түһүмэх саҕаланна — алтынньы 24 күнүгэр диэри кыттааччылар сайаапкаларын depnarodov@mail.ru СӨ тас сибээс министиэристибэтин электроннай почтатыгар «Единство в нас» диэн бэлиэтээн ыыталлара наада. Хаартысканы Instagram-ҥа бэйэ аккаунугар #ЕДИНСТВОвНАС14 диэн хештегтээх таһаарыллар. Ол кэннэ онлайн-куоластааһын саҕаланар, ол түмүгүнэн, элбэх «лайк» ылбыт биэс хаартысканы талыахтара. Түмүктүүр түһүмэх кыайыылаахтарын @mvsidn_yakutia аккаунугар таһаарыахтара.
Алтынньы 26 күнүттэн сэтинньи 2-гэр диэри өссө эбии куоластааһын ыытыллыаҕа, кыайыылаахтары быһаарыахтара. Куонкурус түмүгүн сэтинньи 4-гэр, Норуоттар доҕордоһууларын күнүгэр биллэриэхтэрэ.
Хаартыскаҕа көлүөнэлэр ситимнэрин көрдөрөр оҕолор уонна төрөппүттэр, эбээлэр уонна эһээлэр хаартыскалара, ол иһигэр Саха сирин норуоттарын көрдөрөр чугастан түһэрии хаартыскалар; сыһыаны, үгэһи уонна норуоттар бырааһынньыктарын кэпсиир айар ньымалаах сыаналар.