НВК «Саха» ханаалга Сунтаар улууһугар уһуллубут «Мой личный дракон» документальнай киинэ көстүөҕэ.
Киинэ үс серията НВК «Саха» ханаалга балаҕан ыйын 13, 14 уонна 15 күннэригэр киэһэ 18:15 чаастан көстүөҕэ.
Киинэҕэ 2019 сыллааҕы петербурдааҕы уонна саха чинчийээччилэрин түмүктүүр экспедицияларын туһунан кэпсэнэр. Киинэ туруорааччыта уонна бырайыак продюсера Мила Кудряшова.
Үлэ үс сыл устата ыытылынна — Сунтаар улууһугар палеонтологическай экспедиция 2017-2019 сылларга буолан ааста. Кэлин палеонтологтар хамаандаларыгар Боннскай үнүбэрсиэттэн ниэмэс учуонайа кыттыспыта.
Киинэ Бэрэсэдьиэн гранын Пуондатын өйөбүлүнэн, «Ирбэт тоҥ динозаврдара — 2020» норуоттар икки ардыларынааҕы чинчийэр бырайыак чэрчитинэн уһулунна. Ааптардар дьон өйүгэр-санаатыгар биллэр динозаврдар уобарастарын нөҥүө Россия тэйиччи сытар регионнарын култуураларыгар болҕомто тардар санаалаахтар. Бу түгэҥҥэ — Саха сирин социальнай-экономическай уратытын уонна этнокультуратын кытта билиһиннэрии.
Дьокуускайга киинэ 2020 сыл, ахсынньы 3 күнүгэр сүрэхтэммитэ. НВК «Саха» хампаанньа «Мой личный дракон» бырайыак иитинэн уһуллубут документальнай киинэҕэ тэрийсээччи уонна сүрүн информационнай партнер быһыытынан үлэлээбитэ.