Бэс ыйын 26-27 күннэригэр Саха сирин олохтоохторо Өлүөхүмэ улууһугар Олоҥхо ыһыаҕын бэлиэтииллэр.
Олоҥхо ыһыаҕын тэрийэн ыытыы биһиги өрөспүүбүлүкэбитигэр култуура эйгэтигэр эрэ сыһыаннаах буолбатах. Бу тэрээһин Олоҥхо ыһыаҕа ыытыллар улууһун социальнай-экономическэй сайдыытыгар үтүө дьайыылааҕа сүҥкэн суолталаах диэн Айсен Сергеевич бэлиэтээтэ.
Өлүөхүмэ улууһугар ыһыах бары ирдэниллэр санитарнай-эпидемиологическай ирдэбиллэри тутуһан ыытыллыаҕа.
Олоҥхо ыһыаҕын арыллыытын быһа эфиргэ «Якутия 24» уонна НВК «Саха» YouTube ханаалларыгар көстүөҕэ. Бэс ыйын 26 күнүгэр 11.00 чаастан саҕаланар.
Быһа эфири nvk-online.ru, yk24.ru сайтка быһа эфиргэ, YouTube ханаалларга, телевизорга Smart TV сыһыарыыга, төлөпүөҥҥэ НВК «Саха» сыһыарыыга көрүөххүтүн сөп.