Аҕа күнүгэр аналлаах ПапаЯТобойГоржусь бүтүн россиятааҕы аахсыйаҕа Саха сирин олохтоохторун кыттарга ыҥыраллар. Бу туһунан Россия патриотическай киинин пресс-сулууспата иһитиннэрэр.
«Аахсыйаҕа кыттарга аҕа туһунан кэпсиир, кини ханнык сыаннастары иҥэрбитин, туохха үөрэппитин, олоххутугар оруолун сырдатар наада, аҕаны кытта кэпсэтии умнуллубат, интэриэһинэй уонна күлүүлээх түгэннэрин санаан ааһыы», — диэн иһитиннэриигэ этиллэр.
Кэпсээни алтынньы 14 күнүттэн Instagram уонна «ВКонтакте» социальнай ситимнэргэ #ПапаЯТобойГоржусь хэштегинэн бэлиэтээн таһаарыллар.
Балаҕан ыйыгар Россия бэрэсидьиэнэ Владимир Путин Аҕа күнүн олохтообута. Сыллата алтынньы үһүс өрөбүлүгэр бэлиэтэниэҕэ. 2021 сылга алтынньы 17 күнүгэр түбэһэр.