«Рядовой Чээрин» киинэни Москваҕа дойду аармыйатын дьиэтигэр көрдөрдүлэр

Дойду аармыйатын киин дьиэтигэр «Рядовой Чээрин» саха киинэтин көрдөрдүлэр.

Киинэни көрдөрүөхтэрин иннинэ киинэ сценариһа уонна режиссера Дмитрий Кольцов Тимофей Сметанин суруйбут айымнытыгар олоҕурбутун туһунан эттэ. Хартыына ааптардара бу киинэни Аҕа дойду сэриитин бары буойуттарыгар анаабыттар.

Лиэнтэни «Экстра Синема» проекторынан көрдөрбүттэр.

РФ оборонаҕа министиэристибэтин култууратын департаменын дириэктэрэ Артем Горнай көрөөччүлэргэ эппитинэн, Саха сирин кытта бииргэ үлэлэһии сүҥкэн оруоллаах.

Култуура байыаннай тэрилтэлэригэр «Төгүрүк остуол» тэриллибит, онно култуура байыаннай салаатын тэрилтэлэрин салайааччылара уонна байыаннай салалта уорганнарын бэрэстэбиитэллэрэ киинэ көрдөрүүгэ саҥа технологиялар туһунан ырытыспыттар.

«Төгүрүк остуол» түмүгэр, «Экстра Синема» оборудованиетын дойду аармйыатын дьиэтигэр биэрэргэ дуогабар баттаспыттар.