Ааспыт өрөбүлгэ, сэтинньи 9 күнүгэр, СӨ тыатын хаһаайыстыбатын миниистирэ Артем Александров уонна министиэристибэ департаменын салайааччыта Василий Бессонов Хатырык уонна Бөтүҥ нэһилиэктэрин хаһаайыстыбаларыгар сылдьан кыстыкка киириини билистилэр, үлэһиттэри кытта кэпсэттилэр, туох кыһалҕалаахтарын, этиилэрин иһиттилэр.
Улуустааҕы тыа хаһаайыстыбатын управлениетын салайааччыта Владимир Макаров улууска тустаах салааҕа ыытыллар үлэни-хамнаһы билиһиннэрдэ.
Халаантан эмсэҕэлээбит эбийиэктэр чөлүгэр түһэриллэн, өрөмүөн, тутуу үлэлэр кыстыкка киириэх иннинэ түмүктэммиттэрин туһунан кэпсээтэ.
— Ороскуоту сабыы, сүөһү – сылгы хоромньутун толуйуу харчы кэтэх хаһаайыстыбалаах ыалларга төлөммүтэ, кэлэр нэдиэлэттэн тэрээһиннээх хаһаайыстыбаларга төлөнөрө былааннанар – диэн иһитиннэрдэ.
Источник: https://t.me/namskiyulus/46987