Саха араадьыйата төрүттэммитэ 90 сылыгар — НВК Саха

Тапаталлаах Сахабыт сирин араадьыйата быйыл тэриллибитэ 90 сыла.

Оннооҕор Аҕа дойду Улуу сэриитин тыҥааһыннаах иһитиннэриилэрэ, кыайыыга ыҥырыылара, бу барыта араадьыйа долгунунан аастаҕа.

Төһөлөөх элбэх киһи саҥатын иҥэтин, төһөлөөх элбэх сонуну, ырыаны-тойугу бар дьоҥҥо тириэртэҕэ.

Хас биирдии саха ыала сарсыарда ахсын араадьыйа сонунун, күн-дьыл туругун истэн эрэ баран хотонугар тахсара, үлэтигэр тиэтэйэрэ. Ыраах булчут үүтээнигэр, отчут отуутугар, табаһыт чуумугар эмиэ араадьыйа саҥата чугдаарара.