Режиссер Илларион Яковлев «Таксист» диэн киинэтэ Казахстаҥҥа буолбут «Байконур» норуоттар икки ардыларынааҕы бэстибээлгэ «Бастыҥ киинэ» номинацияҕа кыайбыт. Куонкуруска 200 сайаапкаттан 17-ни талбыттар.
«Байконур» – кылгас киинэ бэстибээлэ, быйыл бастакытын ыытыллыбыт. Эдэр киинэ оҥорооччулары өйүүр, саҥа ааттары арыйар сыаллаах. Бэстибээл үс хайысханан буолбут — национальнай, норуоттар икки ардыларынааҕы уонна анимация.