«Саха» НКИХ тылдьыт оҥорон таһаарда — НВК Саха

«Саха» НКИХ генеральнай дириэктэрэ Олег Марков көҕүлээһининэн, үлэһиттэргэ уонна биэрии ыалдьыттарыгар анаан күннээҕи тылдьыт таҕыста.

«Биһиэхэ эфиргэ кэлбит ыалдьыттар үгүстүк нууччалыы тылы кыбытан саҥараллар. Холобур, «уже», «примерно», «а так» уо.д.а. тыллары. Бу биһиги төрүт тылбытын сыыйа умнан эрэрбитин көрдөрөр. Ол иһин, биэриигэ кытта кэлбит ыалдьыт эфиргэ киириэн иннинэ бу тылдьыты ааҕан, сахалыы ыраастык саҥарарыгар көмөлөһөбүт», — диэн «Саха» телевидениетин дириэктэрэ, тылдьыты таҥыыга үлэ бөлөҕүн салайааччыта Олег Колесов эттэ.

Тылдьыты салгыы ситэрэн-хоторон, тыллары эбэн биэриэхтэрэ. Билиҥҥи туругунан, тылдьыкка 127 тыл киирбит, тираж ахсаана 100 кинигэ.