Бүгүн, муус устар 7 күнүгэр, «Саха» НКИХ генеральнай дириэктэрэ Олег Марков уонна СӨ ыччатын министиэристибэтин баһылыга Степан Саргыдаев бииргэ үлэлэһии туһунан сөбүлэҥ түһэристилэр.
«Бүгүн «Саха» НКИХ бииргэ үлэлээһии туһунан болдьоҕо суох сөбүлэҥҥэ илии баттастыбыт. Сөбүлэҥ ис хоһооно ыччат политикатыгар, ыччаты уонна үүнэр көлүөнэни патриотическай иитиигэ туһуланар», — диэтэ Степан Сардыгаев.
Докумуон чуолаан радионы, көрдөрөр-иһитиннэрэр хампаанньаны кытта саҥа бырайыактары олоххо киллэриигэ туһуланар.
Кини этэринэн, «Саха» НКИХ хампаанньа аһаҕас аудиториялаах, бары социальнай ситимнэргэ тахсар, ону тэҥэ, хампаанньа тус мобильнай уонна IOS, Android платформаҕа мобильнай сыһыарыылардаах.