Дойду бэрэсидьиэнэ Владимир Путин көҕүлээбит «Култуура» национальнай бырайыагын чэрчитинэн өрөспүүбүлүкэҕэ икки тэрилтэ модельнай библиотекалары тэрийиигэ куонкурус кыайыылаахтара буоллулар. Бу туһунан Саха сирин култуураҕа Министиэристибэтэ иһитиннэрэр.
Ол курдук, испииһэккэ Анаабыр улууһун киинин уонна Сунтаар улууһун Элгээйи библиотекалара киирбиттэр. Бырайыагы 2022 сылга олоххо киллэрэр былааннаахтар.
Саха сиригэр үс сыл иһигэр 11 модельнай библиотека киирдэ. Бу элбэх хайысхалаах сайдыы киинэ буолар, аҥардас кинигэ ааҕыыта эрэ буолбакка, остуол оонньуулара бааллар, роботехниканы эбэтэр 3D моделированиены баһылыахха сөп.