Өрөспүүбүлүкэҕэ «Култуура» бэрэсидьиэн национальнай бырайыагын чэрчитинэн, уопсайа 27 оҕо искуустубатын оскуолата муусука үнүстүрүмүөнүнэн хааччылынна.
2019 сылга Нерюнгри, Нам, Ньурба, Аллараа Халыма, Орто Халыма, Мэҥэ Хаҥалас уонна Дьокуускай куорат уонна М.Жирков аатынан муусука колледжын үөрэнээччилэрэ фортепиано, пианино, балалайка, скрипка, домбра, баян, гитара, хореографическай станоктары, учебниктары, ноталары, оборудованиены, көмпүүтэр ылбыттара.
2020 сылга Үөһээ Халыма, Үөһээ Дьааҥы, Мииринэй, Амма, Үөһээ Бүлүү, Горнай, Хаҥалас, Таатта улуустарыгар уонна Жатай бөһүөлэккэ тоҕус оҕо искуустубатын оскуолата муусука үнүстүрүмүөннэринэн, оборудованиенан, учебниктарынан хааччыйылынна.
Ону тэҥэ 2023 сылга Алдан, Бүлүү, Сунтаар, Мэҥэ Хаҥалас, Томпо, Усуйаана, Өлүөхүмэ, Муома уонна Чурапчы улуустарын тоҕус оҕо искуустубатын оскуолата эмиэ бу өттүнэн көрүлүннүлэр.
Холобура, Бүлүүтээҕи М.Н. Жирков аатынан оҕо искуустубатын оскуолатыгар пианиноны, концертнай ксилофону, алтан турбаны, кларнеты, концертнай баяны, клавишнай гуслилары, балалайканы, рояль, интерактивнай оборудованиены уонна учебниктары аҕаллылар.
СӨ култууратын министиэристибэтэ бэлиэтииринэн, оскуолаларга муусука кылаастара оҕолор талааннара арылларыгар уонна сайдалларыгар анаан быдан күүһүрэн биэрбиттэр. Бу оскуолаларга муусука искуустубатын эйгэтигэр эбии үөрэх бырагыраамалара үлэлииллэр.
Дойду бэрэсидьиэнэ Владимир Путин көҕүлээбит «Култуура» национальнай бырайыак 2019 сыл тохсунньутуттан үлэлиир.