Саха сиригэр бибилэтиэкэни сайыннарыы иһин анал бэлиэнэн наҕараадалыахтара

Саха өрөсспүүбүлүкэтигэр бибилэтиэкэ үлэтин сайыннарыы иһин бэлиэнэн наҕаарадалыыр буолуохтара.

«Бибилэтиэкэ үлэһиттэрин үлэтин ситиһиилэринэн, биһиги региоммут дойдуга саамай элбэх ааҕааччылаах өрөспүүбүлүкэ буолан «Территорией книги и чтения» ааты ылла. Чахчы бибилэтиэкэлэр сыллата ааҕааччы ахсаанынан үрдүк көрдөрүүнү ситиһэр. Бибилэтиэкэ дьыалатын стратегията 2032 сылга диэри, бырабыыталыстыба бигэргэппитинэн, бибилэтиэкэ үлэһиттэригэр салааны цифровой көрүҥҥэ көһөрүү, саҥардыы соруга турар», — диэн СӨ култуураҕа уонна духуобунай сайдыыга миниистирэ Юрий Куприянов эттэ.

Кини этэринэн, анал бэлиэнэн наҕараадалааһын инникитин саҥа саҕахтары дабайарга кынаттыаҕа.

Министиэристибэ кэллиэгийэтэ тустаах этиини өйөөтүлэр. Бастакы бэлиэлэри ыам ыйын 27 күнүгэр — Бибилэтиэкэ күнүгэр туттарыахтара.