Саха сиригэр духуобунай, майгы-сигили сыаннастарын бөҕөргөтөргө Сүбэ олохтонуоҕа

Ил Дархан Айсен Николаев иһинэн Саха сиригэр духуобунай, майгы-сигили сыаннастарын бөҕөргөтөргө Сүбэ олохтонуоҕа. Ол туһунан ыйааҕы кулун тутар 30 күнүгэр Айсен Николаев илии баттаата.

Сүбэ соруктарынан култуураны, историческай өйдөбүнньүктэри,дойду духуобунай, майгы-сигили сыаннастарын бөҕөргөтүүгэ, харыстааһыҥҥа, өрөспүүбүлүкэни биир сомоҕо оҥорорго уонна да атын судаарыстыбаннай бэлиитикэ сытыы боппуруостарыгар үлэлээһин буолар.

Сүбэ бэрэссэдээтэлинэн СӨ баһылыга Айсен Николаев буолар. Уопсайа сүбэҕэ 120 киһи киириэҕэ.