Саха сиригэр эдэр учуонайдар саҥа бырайыактарга сыһыарыллыахтара — НВК Саха

СӨ премьер-миниистирэ Андрей Тарасенко тириэрдибитинэн, өрөспүүбүлүкэ эдэр учуонайдарын саҥа бырайыактарга сыһыарыахтара. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Кини Саха сирин научнай тэрилтэлэрэ тэрийбит ыччат лабораторияларын көрдө.

«Өрөспүүбүлүкэҕэ эдэр учуонайдар саҥа бырайыактарга сыһыарыллыахтара. Ол курдук, Өлүөнэ өрүһү туоруур муостаттан саҕалаан тымныыны тулуйар матырыйаал оҥоһуутугар тиийэ. Маннык бэйэбит каадырдарбыт сайдыахтара, олохтоох оҥорон таһаарыы бородууктата баар буолуо», — диэтэ Андрей Тарасенко.