СӨ култуура министиэристибэтин экспертнэй хамыыһыйата өрөспүүбүлүкэ норуоттарын култуурунай нэһилиэстибэлэрин испииһэгин бигэргэттэ. Бу туһунан министиэристибэ пресс-сулууспата иһитиннэрэр.
Испииһэги Саха сирин национальнай библиотеката цифровой платформа көрүҥүнэн таһаарыаҕа.
Түөрт чаастан турар. Бастакытыгар мифологическай өйдөбүллэр уонна итэҕэл, үгэстэр, хотугу норуоттар уонна сахалар култууралара, чуолаан бырааһынньыктар, сиэр-туом, ойууннааһын уонна мистическэй ритуаллар, бобуулар, харысхаллар уонна билгэ киирэллэр.
Иккискэ алгыс, ытык сирдэр уонна бирэдимиэттэр. Үһүскэ норуот тылынан уус-уран айымньыта, ырыа-тойук, төрүт үнүстүрүмүөннэр, норуот ырыаһыттара, ону тэҥэ, норуот поэзията киирэллэр. Төрдүс салааҕа саха төрүт олоҕо дьаһаҕа, төрүт бүлүүдэлэр уонна спортивнай оонньуулар.
СӨ култуура уонна духуобунай сайдыы миниистирн бастакы солбуйааччыта Владислав Левочкин быһаарарынан, реестр матырыйаалыныйа суох нэһилиэстибэ туһунан сокуон барылын ылыныыга көмө буолуоҕа. Хаачыстыбаннайа суох уонна сокуону кэһэн туһаныыттан харыстыаҕа.