Саха сирин судаарыстыбаннай филармониятын уонна музыка үрдүкү оскуолатын духовой оркестрдара норуоттар икки ардыларынааҕы «Воронежские духовые ассамблеи имени Валерия Халилова» бэстибээл-куонкурус лауреаттара буоллулар. Бу туһунан өрөспүүбүлүкэ филармониятын пресс-сулууспата иһитиннэрэр.
Павел Васьковскай салайыытынан Lena River Brass оркестр «Профессиональные коллективы» анал аакка бастакы миэстэни ылла.
СӨ музыка үрдүкү оскуолатын бөлөҕүн Александр Кузьмин салайда. «Оркестры духовые детские. Большие составы» анал аакка лауреат буоллулар.
Ыам ыйын
20-22 күннэригэр Воронеж куоракка «Воронежские духовые ассамблеи имени Валерия
Халилова» бэстибээл-куонкурус кэтэхтэн ыытылынна.
Онно Москва, Липецк уобаластарын, Воронеж, Белгород, Барнаул, Тамбов, Липецк куораттар бөлөхтөрө кытыннылар.