Саха өрөспүүбүлүкэтин олохтоохторо «ПобедаНВК» сайтка Аҕа дойду сэриитигэр кыттыбыт, кыайыыга кылаатын киллэрбит аймахтарын туһунан өйдөбүнньүк суруйан хаалларыахтарын сөп.
Тустаах бырайыагы 2020 сылга Улуу Кыайыы 75 сылыгар «Саха» НКИХ оҥорбут.
Баҕалаах киһи архыыпка аймаҕын хаартыскатын, видеотын, фроҥҥа сылдьан суруйбут суруктарын уо.д.а. туоһулуур докумуоннарын угуон сөп. Онно сайтка анкетаны толоруохтарын наада.
Итиэннэ, ол иннинэ аймаҕа анкетаҕа баарын, суоҕун чопчулаан баран угуон наада, тоҕо диэтэр 2020-2021 сылларга сайтка киирбит дьоруой иккистээн киирбэт.
Аҕа дойду сэриитигэр дойду 26,6-тан тахса мөлүйүөн киһини сүтэрбит, олортон 32 тыһыынчата Саха сирин олохтоохторо.