Саха сирин олохтоохторо «Саҥа кэм көдьүүстээх идеялара» форумҥа бырайыактарын туттарыахтарын сөп

«Саҥа кэм көдьүүстээх идеялара» форумҥа алта хайысханан бырайыактары туталлар. Ол АСИ уонна Росконгресс пуондата тэрийэллэр.

Дойду бэрэсидьиэнин көмөлөһөөччүтэ форум тэрийэр хамыыһыйатын бэрэссэдээтэлэ Максим Орешкин этэринэн, бырайыак финалга киирбэтэҕинэ, ааптардар сайдыы институттарын, форум партнердарын, региональнай уонна федеральнай толорор былаастар өйөбүллэринэн туһаныахтарын сөп.

«Ханна эрэ регион былаастарын кытта, ханна эрэ бырабыыталыстыба бырагырааматын, ханна эрэ информационнай тэрилтэлэр өйөбүллэрэ сөптөөх буолуоҕа. Саамай үөһээҥи таһымҥа тахсыбыт бырайыактар оҥоһуллан саҕалаатылар. Хайа да түгэҥҥэ дьон оннугар быйрайыактары ким да оҥоруо суоҕа, ол эрээри ону олоххо киллэрэр усулуобуйа оҥоруохха сөп», — диэн Максим Орешкин эттэ.

Баҕалаахтар муус устар 26 күнүгэр диэри ideas.roscongress.org платформаҕа сайаапка ыытыахтарын сөп. Форумҥа «Төрүт социальнай көҕүлээһин», «Төрүт экологическай көҕүлээһин», «Төрүт каадыр көҕүлээһинэ», «Төрүт технологическай көҕүлээһин», «Урбаан» уонна «Цифровой сервистар» хайысхаларынан бырайаыктары туталлар. Сайаапканы оҥоһулла илик уонна оҥоһуллубут бырайыактаах толорон ыытыахха сөп.

«Саҥа кэм көдьүүстээх идеялара» форум түмүгэр икки күннээх тэрээһин буоулоҕа, ол 2023 сыл бэс ыйыгар буолуоҕа. Онно 100 бастыҥ бырайыактары билиһиннэриэхтэрэ, олортон сороҕун бэрэсидьиэҥҥэ көрдөрүөхтэрэ.